G.H.S.S CHEMNAD,KASARAGOD |
| Posted: 13 Aug 2015 10:15 AM PDT ഊര്‍ജ്ജസമ്പത്ത് വരുംതലമുറക്ക് കൂടി ഊര്‍ജ്ജ സംരക്ഷണത്തെക്കുറിച്ച് ലോകമെങ്ങും സജീവ ചര്‍ച്ച നടക്കുന്ന കാലമാണിത്.ഏതൊരു വികസന പദ്ധതിയുടേയും അടിസ്ഥാന ഘടകമായ വൈദ്യുതോര്‍ജ്ജം അതീവ ശ്രദ്ധയോടെ ചെലവഴിച്ചില്ലെങ്കില്‍ ഭാവി തലമുറ അതിന്റെ തിക്തഫലം അനുഭവിക്കേണ്ട അവസ്ഥയുണ്ടാകും.ആണവ-താപനിലങ്ങള്‍ വഴി വൈദ്യുതോല്‍പാദനം വര്‍ദ്ധിപ്പിക്കാനുള്ള ശ്രമത്തിനെതിരെ ശക്തമായ ജനവികാരം ഉയരുന്നുണ്ട്.പാരിസ്ഥിതിക പ്രത്യാഘാതങ്ങളുടെ പേരില്‍ ജലവൈദ്യുത നിലയങ്ങളും എതിര്‍ക്കപ്പെടുന്നു.ഇതിന്റെയൊക്കെ ഫലമായി ഊര്‍ജ്ജ ഉല്‍പ്പാദനം വര്‍ദ്ധിക്കാതിരിക്കുകയും അതേസമയം ഉപഭോഗം ക്രമാതീതമായി കൂടുകയും ചെയ്യുന്ന സ്ഥിതിയാണ് ഇന്ന് രാജ്യത്തുള്ളത്.ലഭ്യമായ ഊര്‍ജ്ജം കരുതലോടെ മാത്രം പ്രയോജനപ്പെടുത്തുകയെന്നതാണ് ഈ പ്രതിസന്ധിയെ മറികടക്കാനുള്ള പ്രധാന മാര്‍ഗ്ഗം. ഈ ഘട്ടത്തില്‍,ചെമ്മനാട് ഗവ:ഹയര്‍ സെക്കണ്ടറി സ്കൂളില്‍ വ്യാഴാഴ്ച നടന്ന ഊര്‍ജ്ജ സംരക്ഷണ ബോധവല്‍ക്കരണ സെമിനാര്‍ ഏറെ ശ്രദ്ധേയമായി.സ്കൂളിലെ സീഡ് ക്ലബ് അംഗങ്ങള്‍ക്ക് വേണ്ടി, കെ എസ് ഇ ബി യുടെ ആഭിമുഖ്യത്തിലാണ് ക്ലാസ് സംഘടിപ്പിച്ചത്.ഹെഡ്മാസ്റ്റര്‍ ടി ഒ രാധാകൃഷ്ണന്റെ അധ്യക്ഷതയില്‍ ,കെ എസ് ഇ ബി എക്സിക്യൂട്ടീവ് എഞ്ചിനീയര്‍ നാഗരാജ ഭട്ട് സെമിനാറിന്റെ ഉദ്ഘാടനം നിര്‍വഹിച്ചു.സബ് എഞ്ജിനീയര്‍ ഷാഹുല്‍ ഹമീദ്,സീഡ് കോഡിനേറ്റര്‍വി.ശ്രീനിവാസന്‍,വി.തങ്കമണി, പി.വി.ഗംഗാധരന്‍ എന്നിവര്‍ സംസാരിച്ചു.ഇന്ദുലേഖ സ്വാഗതമാശംസിച്ചു. സെമിനാറിനോടനുബന്ധിച്ച് കുട്ടികള്‍ക്ക് സൗജന്യമായി സി എഫ് എല്‍ ലാമ്പുകള്‍ വിതരണം ചെയ്യുകയുണ്ടായി.  KSEB എക്സി.എഞ്ജിനീയര്‍ നാഗരാജ ഭട്ട് ഉദ്ഘാടനം ചെയ്യുന്നു.  |
| You are subscribed to email updates from G.H.S.S CHEMNAD,KASARAGOD To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment