GHS KALICHANADUKKAM

GHS KALICHANADUKKAM


മലയാളത്തിളക്കം

Posted: 28 Nov 2018 08:31 AM PST



ശിശുദിനം

Posted: 28 Nov 2018 08:27 AM PST

ശിശുദിനം ഗംഭീരമാക്കി ഗവർമെന്റ് ഹൈസ്കൂൾ കാലിച്ചാനടുക്കം
ദേശീയ ശിശുദിനമായ നവമ്പർ 14 ന് വിദ്യാലയത്തിൽ പ്രീ പ്രൈമറി മുതൽ ഹൈസ്കൂൾ വരെയുള്ള കുട്ടികളുടെ വിവിധ കലാപരിപാടികൾ നടന്നു.പ്രസംഗം, കവിത, പാട്ട്', സ്കിറ്റ്, തിരുവാതിര എന്നിവ അവതരിപ്പിച്ചു' കുട്ടികൾക്ക് മധുര പലഹാരവും പായസവും നല്കി





വെള്ളരി കൃഷിയിൽ നൂറ് മേനി

Posted: 28 Nov 2018 08:15 AM PST


കൊയ്ത്തുത്സവം

Posted: 28 Nov 2018 08:05 AM PST

തിരുവാതിര ഞാറ്റുവേലയിൽ വിതച്ച നെല്ലിൽ നൂറുമേനി കൊയ്ത് കാലിച്ചാനടുക്കത്തെ കുട്ടികൾ:

മൺമറയുന്ന കാർഷിക സംസ്കൃതിയുടെ നന്മകൾ അയവിറക്കി പാo പുസ്തകങ്ങളിലെ പഠനത്തിനൊപ്പം കാർഷിക പാരമ്പര്യത്തെ തൊട്ടറിയാൻ നാടൻ പാട്ടിന്റെ താളത്തിനൊപ്പം നൂറുമേനി കൊയ്യാൻ ഗവ: ഹൈസ്ക്കൂൾ കാലിച്ചാനടുക്കത്തെ കുട്ടികൾ ഹരി തോത്സവം നടത്തി. പ്രദേശത്തെ കർഷകരുടെ കൂട്ടായ്മയിലൂടെയും പി.ടി.എ, എസ്.എം.സി എന്നിവരുടെ സഹകരണത്തോടെയും സ്കൗട്ട്സ് ആൻഡ് ഗൈഡ്സ്, രക്ഷിതാക്കൾ എന്നിവയുടെ പിന്തുണയോടുമാണ് സ്ക്കൂളിലെ പ്രകൃതി ക്ലബ്ബിലെയും എക്കോ ക്ലബ്ബിലെയും കുട്ടികൾ തിരുവാതിര ഞാറ്റുവേലയിലെ കോരിച്ചൊരിയുന്ന മഴ ചാന്തു ചാലിച്ച വയലിൽ പ്രത്യാശയുടെ ഞാറു നട്ടത് .

വിളവെടുപ്പ് മഹോത്സവം വാർഡ്  മെമ്പർമാരായ മുസ്തഫ താ യന്നൂർ ,അനീഷ് കുമാർ കെ എന്നിവർ ചേർന്ന് നിർവഹിച്ചു. പിടിഎ പ്രസിഡന്റ് പി.വി.ശശിധരൻ അധ്യക്ഷത വഹിച്ചു .ഹെഡ്മാസ്റ്റർ കെ.ജയചന്ദ്രൻ സ്വാഗതം പറഞ്ഞു..സൗട്ട്സ് ആൻറ് ഗൈഡ്സ് അധ്യാപകരായ ഭാസ്കരൻ വി.കെ. ,സരോജിനി പി. ,ശശിലേഖ എം എന്നിവർ നേതൃത്വം നല്കി.. ഏറെക്കാലമായി തരിശുഭൂമിയായി കിടന്നിരുന്ന ആലത്തടിയിലെ ഭാനുമതിയമ്മയുടെ ഉടമസ്ഥതയിലുള്ള മയ്യങ്ങാനം മുക്കൂട്ടിലെ 80 സെന്റ് പാടത്ത് ഐശ്വര്യ നെൽ വിത്താണ് ഞാറ് നട്ടത്.  മോഹനൻ,സ്ക്കൂൾ ജീവനക്കാരൻ രവി,
 ശ്രീധരൻ എം ,മോഹനൻ എം
നാരായണൻ
ദാമോദരൻ
ജയശ്രീ
ഉഷ പി
ഷിജി
ധന്യ ,ഷീന
രമണി
 ശാന്ത എന്നീ രക്ഷിതാക്കളും
  കുട്ടികളോടൊപ്പം കൂടി .
അര ഏക്കർ സ്ഥലത്ത് നെൽകൃഷി ചെയ്ത്
കഴിഞ്ഞ വർഷം കിട്ടിയ
30പറ നെല്ല് 
പുത്തരിപ്പായസമാക്കി കുട്ടികൾക്ക് നല്കിയ മധുരമുള്ള ഓർമ്മയുമായാണ് കുട്ടി കളും അധ്യാപകരും വയലിലേക്കിറങ്ങിയത്

തിരക്കഥാ ശില്പശാല

Posted: 28 Nov 2018 07:59 AM PST

അക്കാദമിക മാസ്റ്റർ പ്ലാനിൽ ഉൾച്ചേർന്ന കുട്ടികളുടെ ചലച്ചിത്രമെന്ന സ്വപ്നം സാക്ഷാത്കരിക്കാൻ പ്രവർത്തന പദ്ധതിയുമായി കാലിച്ചാനടുക്കം ഗവർമെന്റ് ഹൈസ്ക്കൂൾ . ഒക്ടോബർ ഒന്നിന് കുട്ടികൾ ഏറ്റുവാങ്ങിയ പ്രവർത്തന പദ്ധതിക്ക് തൊട്ടടുത്ത ദിവസമായ ഗാന്ധിജയന്തി ദിനത്തിൽ തന്നെ തുടക്കമിട്ടിരിക്കുകയാണ് സ്കൂൾ റിസോഴ്സ് ഗ്രൂപ്പ് അംഗങ്ങൾ .വിദ്യാരംഗം അവാർഡ് ജേതാവും നാടക രചയിതാവുമായ പ്രകാശൻ കരിവെള്ളൂർ ശില്പശാലയ്ക്ക് നേതൃത്വം നല്കി.ചടങ്ങിൽ വെച്ച് പ്രകാശൻ മാസ്റ്ററെ പൊന്നാട അണിയിച്ച് അനുമോദിച്ചു.
Previous Page Next Page Home