SSK KASARAGOD

SCHOOL TWINNING PROGRAMME

@

GWLPS BELA

വരയും വര്‍ണവും ശില്‍പങ്ങളുമൊക്കെ തീര്‍ത്തു സര്‍വ്വശിക്ഷ അഭിയാനിലെ സ്പെഷ്യലിസ്റ്റ് ചിത്രകലാധ്യാപകന്‍ . കാസര്‍ഗോഡ്‌ ജില്ലയിലെ ചെറുവത്തൂര്‍ ബ്ലോക്ക്‌ റിസോര്‍സ് സെന്ററിലെ സ്പെഷ്യലിസ്റ്റ് ചിത്രകലാധ്യാപകന്‍ പി.വി.ശ്യാം പ്രസാദാണ് ചിത്രം വരച്ചും ശില്പങ്ങള്‍ തീര്‍ത്തും വിദ്യാലയങ്ങളെ കലയുടെ അങ്കണങ്ങളാക്കി മാറ്റുന്നത്. ചിത്രകലയിലും ശില്പകലയിലും ഒട്ടേറെ കുരുന്നുകള്‍ ശ്യാംപ്രസാദിന്റെ ശിഷ്യന്മാരായി ഉയര്‍ന്നു വരികയാണെന്ന് അദ്ദേഹത്തിന്റെ സേവനം ലഭിക്കുന്ന നാല് വിദ്യാലയങ്ങളിലെയും അധ്യാപകരും രക്ഷിതാക്കളും സാക്ഷ്യപ്പെടുത്തുന്നു.പാടിക്കില്‍ ജി.യു.പി.സ്കൂളില്‍ ഏകദിന കളിമണ്‍ ശില്പശാല ,ചൈല്‍ഡ് ആര്‍ട്ട് ചിത്രപ്രദര്‍ശനം ,ജൈവ വൈവിദ്യ ഉദ്യാനത്തില്‍ ചെങ്കല്‍ ശില്‍പം ,കൊടക്കാട് ജി.ഡബ്ല്യു.യു.പി.സ്കൂളില്‍ കുട്ടികളെ പ്രക്രുതിയോടടുപ്പിക്കുന്ന കൊളാഷ് നിര്‍മ്മാണം,എം.എ.യു.പി.എസ് മവിലാകടപ്പുറം സ്കൂളില്‍ ബിഗ്‌ കാന്‍വാസ്‌ ചിത്രരചന , കടലാമയുടെ മണല്‍ ശില്‍പം,പുത്തിലോട്ട് എ.യു.പി. സ്കൂളില്‍ ഒപ്പത്തിനൊപ്പം പരിപാടി ,മവിലാകടപ്പുറം ജി.എല്‍.പി.സ്കൂളിനു കീഴിലെ ഒരിയര പ്രാദേശിക പ്രതിഭാ കേന്ദ്രം,കൊടക്കാട് ജി.ഡബ്ല്യു.യു.പി.സ്കൂളിനു കീഴിലെ കുന്നുകിണറ്റുകര പ്രാദേശികപ്രതിഭാകേന്ദ്രം എന്നിവിടങ്ങളിലും വേറിട്ടു നില്‍ക്കുന്ന ഒട്ടേറെ പരിപാടികള്‍ സംഘടിപ്പിച്ചിരുന്നു.

കണക്കിന്റെ കുരുക്കഴിക്കാൻ

ക്ലാസ്സ് റൂം ഗണിത ലാബ്

തെറ്റിപ്പോകമോ എന്ന ഉൽക്കണ്ഠയില്ലാതെ, പരാജയഭീതിയില്ലാതെ, വിരസതയില്ലാതെ, പ്രവർത്തനത്തിൽ ലയിച്ചു ചേർന്ന് ആസ്വാദ്യകരമായ രീതിയിൽ മുഴുവൻ കുട്ടികളും കണക്ക് പഠിക്കുന്ന ക്ലാസ്സുമുറികൾ യാഥാർഥ്യമാക്കി മാറ്റാനുള്ള ശ്രമത്തിലാണ് ചെറുവത്തൂർ ബി.ആർ.സി. ഈ ലക്ഷ്യം മുൻനിർത്തി സർവശിക്ഷ അഭിയാൻ വിഭാവനം ചെയ്ത 'ഗണിത ലാബ്' ഉപജില്ലയിലെ കയ്യൂർ ഗവ: എൽ.പി സ്കൂളിൽ ഇതിനകം യാഥാർഥ്യമായി.ഇത് മറ്റു വിദ്യാലയങ്ങളിലേക്ക് വ്യാപിപ്പിക്കുന്നതിന്റെ മുന്നോടിയായി ആർ.പി.മാരെ പരിശീലിപ്പിക്കുന്നതി
നായി ബി.ആർ.സി തലത്തിൽ സംഘടിപ്പിച്ച ഗണിത പഠനോപകരണ നിർമ്മാണ ശില്പശാലയിൽ 14 സി.ആർ.സികളിലെ തെരഞ്ഞെടുത്ത വിദ്യാലയങ്ങളിൽ നിന്നായി എൽ.പി അധ്യാപകരും രക്ഷിതാക്കളും, കലാ-പ്രവൃത്തി പഠന അധ്യാപകരും ബി.ആർ.സി ട്രെയിനർമാരും ഉൾപ്പെടെ 45 പേർ പങ്കെടുത്തു.

ഇവരുടെ നേതൃത്വത്തിൽ മാർച്ച് 15നു മുമ്പ് സി.ആർ.സി തലത്തിൽ സംഘടിപ്പിക്കുന്ന പരിശീലനത്തിൽ മുഴുവൻ വിദ്യാലയങ്ങളിൽ നിന്നും അധ്യാപകരും രക്ഷിതാക്കളും പങ്കെടുക്കുകയും ഇരുപതോളം വൈവിധ്യമാർന്ന പഠനോപകരണങ്ങളുടെ നിർമ്മാണ രീതി സ്വായത്തമാക്കുകയും ചെയ്യും. അടുത്ത അധ്യയന വർഷാരംഭത്തിനു മുമ്പ് തദ്ദേശസ്വയംഭരണ സ്ഥാപനങ്ങളുടെയും വിദ്യാലയ വികസന സമിതികളുടെയും, പി.ടി.എ കളുടെയും സഹായത്തോടെ സ്വന്തം വിദ്യാലയത്തിലെ എല്ലാ ക്ലാസ്സ് മുറികളിലും ഗണിത ലാബ് ഒരുക്കുന്നതിന് ഇവർ നേതൃത്യം നൽകും.ഓരോ വിദ്യാലയത്തിലും നടക്കുന്ന ശില്പശാലയിൽ ഇരുപത്തഞ്ച് വീതം അമ്മമാർ പഠനോപകരണ നിർമ്മാണ പ്രക്രിയയിൽ പങ്കാളികളാകും.

MATHS LAB @ PPTSALPS KANHANGAD

ഡയറ്റ് കാസര്‍ഗോഡ്

Posted: 14 Mar 2018 05:51 PM PDT

ST SP Programme " Munnettam" students residential camp from 2018 March11 to 14 inaugurated in DIET Kasaragod by Disrict Sports council president

ക്ലാസ്സ് മുറികളിൽ ഇനി ഗണിത ലാബും

കൊടക്കാട് ഗവ: വെൽഫെയർ യു പി.സ്കൂൾ സി.ആർ സി യുടെ നേതൃത്വത്തിൽ സർവശിക്ഷ അഭിയാൻ സംഘടിപ്പിച്ച ഗണിത പഠനോപകരണ നിർമ്മാണ ശില്പശാല പാടിക്കീൽ ഗവ.യു.പി.സ്കൂളിൽ ചെറുവത്തൂർ ബി.പി.ഒ കെ.നാരായണൻ ഉദ്ഘാടനം ചെയ്തു.സി.ആർ.സി ഹെഡ് കെ.ടി.വി നാരായണൻ അധ്യക്ഷത വഹിച്ച ചടങ്ങിൽ പ്രഥമാധ്യാപകൻ വി.ദാമോദരൻ സ്വാഗതവും കെ.അജിത ടീച്ചർ നന്ദിയും പറഞ്ഞു.
ക്ലാസ്സ് തല ഗണിത ലാബ്‌ ഒരുക്കി പ്രൈമറി ക്ലാസ്സുകളിലെ ഗണിതപഠനം ആസ്വാദ്യകരമായി മാറ്റുന്നതിന്റെ മുന്നോടിയായാണ് ശില്പശാല സംഘടിപ്പിച്ചത്.സി.ആർ.സി പരിധിയിലുള്ള ഗവ.യു.പി.സ്കൂൾ പാടിക്കീൽ, ഗവ. വെൽഫെയർ യു.പി.സ്കൂൾ കൊടക്കാട്, എ.യു.പി.എസ് ഓലാട്ട്, എൽ.പി. എസ് പൊള്ളപ്പൊയിൽ എന്നീ വിദ്യാലയങ്ങളിൽ നിന്നായി അധ്യാപകരും രക്ഷിതാക്കളും ഉൾപ്പെടെ 30 പേർ പങ്കെടുത്ത ശില്പശാലയിൽ രൂപം കൊണ്ട വൈവിധ്യമാർന്ന 19 തരം പഠനോപകരണങ്ങളുടെ കിറ്റ് ഓരോ വിദ്യാലയത്തിനും നൽകി. പരിശീലനം കിട്ടിയവരുടെ നേതൃത്വത്തിൽ അതത് വിദ്യാലയത്തിലെ മുഴുവൻ ക്ലാസ്സുകളിലും അടുത്ത അധ്യയന വർഷാരംഭത്തോടെ ഗണിത ലാബ് ഒരുക്കി ഗണിത വിജയം പദ്ധതി നടപ്പിലാക്കും. ബി.ആർ.സി.ട്രെയിനർ മാരായ പി.സ്നേഹലത, സി.വി. ലേഖ, സ്പെഷ്യലിസ്റ്റ് അധ്യാപകരായ ശ്യാമപ്രസാദ്, ഉഷ, രാധ, സജ്ന എന്നിവർ ശില്പശാലയ്‌ക്ക് നേതൃത്വം നൽകി.

SARVA SHIKSHA ABHIYAN - ബി.ആര്‍.സി.ബേക്കല്‍ PH: 0467-2238351, E-MAIL-brcbekal@gmail.com

u-dise Booklet 2017-18

Posted: 10 Mar 2018 07:19 AM PST

GANITHAVIJAYAM TRYOUT-DECLARATION-SEMINAR

@

VYAPARA BHAVAN NILESHWAR 08.03.2018

ജനപ്രതിനിധികളുടെ ശില്പശാല

2018-19 വർഷത്തെ പഞ്ചായത്ത് വിദ്യാഭ്യാസ പദ്ധതി സർവശിക്ഷാ അഭിയാനുമായി സംയോജിപ്പിച്ച് മികവുറ്റതാക്കി മാറ്റാനുള്ള കർമപരിപാടികൾക്ക് രൂപം നൽകാൻ ജനപ്രതിനിധികളുടെ ശില്പശാല. സർവശിക്ഷാ അഭിയാൻ ചെറുവത്തൂർ ബി ആർ സി യുടെ ആഭിമുഖ്യത്തിലാണ് ചെറുവത്തൂർ ഉപജില്ലയിലെ ആറ് ഗ്രാമപഞ്ചായത്തുകളിലെ പ്രസിഡൻറുമാർ, വൈസ് പ്രസിഡന്റുമാർ, വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻമാർ, വിദ്യാഭ്യാസ നിർവഹണ ഉദ്യോഗസ്ഥർ, പഞ്ചായത്ത് _ പി ഇ സി സെക്രട്ടറിമാർ എന്നിവർക്കായാണ് ഏകദിന ശില്പശാല സംഘടിപ്പിച്ചത്.പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സംസ്ഥാന സർക്കാരും തദ്ദേശസ്വയംഭരണ സ്ഥാപനങ്ങളും വിവിധ ഏജൻസികളും പൊതുസമൂഹവും കൈകോർത്തു പിടിച്ച് പൊതുവിദ്യാലയങ്ങളെ മികവിന്റെ കേന്ദ്രങ്ങളാക്കി മാറ്റുന്നതിന് നടത്തുന്ന പ്ര വർത്തനങ്ങളെ ശില്പശാല അവലോകനം ചെയ്തു. എസ്എസ്എ പദ്ധതിക്ക് വിവിധ ഗ്രാമ പഞ്ചായത്തുകൾ നീക്കിവെക്കേണ്ടുന്ന 40 ശതമാനം വിഹിതം യഥാസമയം ലഭ്യമാക്കുമെന്നും യോഗത്തിൽ ജനപ്രതിനിധികൾ ഉറപ്പു നൽകി. ബിപിഒ കെ നാരായണൻ അധ്യക്ഷനായിരുന്നു.എസ് എസ് എ ജില്ലാ പ്രോഗ്രാം ഓഫീസർ ഡോ.എം വി ഗംഗാധരൻ ആമുഖഭാഷണം നടത്തി. ബി ആർ സി പരിശീലകൻ പി വി ഉണ്ണിരാജൻ ക്ലാസെടുത്തു. ഗ്രാമ പഞ്ചായത്ത് പ്രസിഡൻറുമാരായ കെ ശകുന്തള, എം ടി അബ്ദുൽ ജബ്ബാർ, വി പി ഫൗസിയ എന്നിവർ സംസാരിച്ചു.ബി ആർ സി പരിശീലകൻ പി വേണുഗോപാലൻ സ്വാഗതം പറഞ്ഞു.

GANITHA VIJAYAM @ GLPS KAYYUR

ബേങ്കിലേക്ക് സ്വയമെഴുതിയ ചെക്കെടുത്തു പോയും എ ടി എം കൗണ്ടറിൽ കാർഡിട്ട് പണം പോക്കറ്റിലാക്കിയും കണക്കിന്റെ മധുരാനുഭൂതിയിൽ ലയിച്ച് കയ്യൂരിലെ കുരുന്നുകൾ .സർവശിക്ഷാ അഭിയാൻ ചെറുവത്തൂർ ബി ആർ സി യുടെ ആഭിമുഖ്യത്തിലാണ് ഗണിതവിജയം പദ്ധതി വിജയത്തിളക്കത്തിലെത്തി നിൽക്കുന്നത്. കയ്യൂർ ജി എൽ പി സ്കൂളിലാണ് പത്തുനാൾ നീളുന്ന ഗണിത വിജയം പകുതി പിന്നിട്ടത്.

ബി ആർ സി അനുവദിച്ച ഗണിത ലാബിലെ ഗണിത പഠനോപകരണങ്ങൾ ഫലപ്രദമായി ഉപയോഗിച്ച് കണക്കിന്റെ കുരുക്കുകൾ രസകരമായി അഴിച്ചെടുക്കുകയാണ് കയ്യൂരിലെ കുട്ടികൾ. പാഠഭാഗത്തു നിന്നും നിത്യജീവിതത്തിൽ നിന്നും അടർത്തിയെടുത്ത ഭാഗങ്ങളാണ് കുട്ടികൾ പഠനോപകരണ സഹായത്താൽ പാൽപ്പായസം പോലെ ആസ്വദിക്കുന്നത്. നാൽപ്പതോളം ആകർഷകങ്ങളായ പ്രവർത്തനങ്ങളിലൂടെ പത്തുനാൾ കടന്നു പോകുന്ന കുട്ടികൾ ഗണിത പഠനത്തിൽ മിടുക്കൻമാരായിത്തീരുമെന്ന പ്രതീക്ഷയാണ്. എല്ലാ ഗണിത പ്രവർത്തനങ്ങളും പഠനോപകരണങ്ങൾ ഉപയോഗിച്ച് കൈകാര്യം ചെയ്യുമ്പോൾ ഗണിതാശയങ്ങൾ ആഴത്തിൽ ഉറപ്പിച്ചു നിർത്തുകയാണ് ഗണിത വിജയത്തിലൂടെ ലക്ഷ്യമിടുന്നത്. മൂന്ന്, നാല് ക്ലാസുകളിൽ നിന്നും തെരഞ്ഞെടുത്ത കുട്ടികളെയാണ് പദ്ധതിയുടെ പങ്കാളികളാക്കുന്നത്. ഗൃഹാന്തരീക്ഷത്തിലും ഗണിതാശയങ്ങൾ കുട്ടികളിലേക്ക് പകരാൻ നിരവധി അവസരങ്ങളുണ്ടെന്ന് ഓർമപ്പെടുത്താൻ കുട്ടികളുടെ രക്ഷിതാക്കൾക്ക് പ്രത്യേക യോഗവും ഇതിനിടെ നടത്തി വരുന്നു.ഒന്നാംതരം തൊട്ട് ഓരോ ക്ലാസ്മുറികളിലും ഗണിത ലാബ് എന്ന ആശയം ഇതോടൊപ്പം തന്നെ സർവശിക്ഷാ അഭിയാൻ മുന്നോട്ടു വയ്ക്കുന്നു. സ്കൂൾ ഗണിത ലാബിൽ നടക്കുന്ന ക്ലാസിൽ ഓരോരുത്തർക്കും കൂടുതൽ പരിഗണന കൊടുത്തും തുടരെത്തുടരെ ഗണിതാന്തരീക്ഷമൊരുക്കിയും വിദ്യാർഥികളെ ഗണിതത്തിന്റെ കൂട്ടുകാരാക്കി മാറ്റുകയാണ് ഗണിതവിജയം.

മദർ പി ടി എ പ്രസിഡന്റ് കെ വി പ്രസീന ഉദ്ഘാടനം ചെയ്തു.പ്രധാനാധ്യാപിക സി പങ്കജാക്ഷി, പി ടി എ പ്രസിഡന്റ് കെ രാജൻ, എൻ കെ വിനോദ് കുമാർ എന്നിവർ സംസാരിച്ചു.ബി ആർ സി പരിശീലകരായ പി വി ഉണ്ണിരാജൻ, പി വേണു ഗോപാലൻ, പി കെ സരോജിനി, പി സ്നേഹലത എന്നിവരാണ് ക്ലാസുകൾ കൈകാര്യം ചെയ്യുന്നത്.