SSK KASARAGOD

GHS KALICHANADUKKAM

മാമ്പഴമധുരവുമായി പരിസ്ഥിതി ക്യാമ്പ്
എസ്.എസ്.എൽ.സി.വിജയത്തിളക്കം
കാലിച്ചാനടുക്കത്തിന്റെ ചരിത്രരചനയ്ക്കായി ചരിത്ര സെമിനാർ
LS Sവിജയികൾ
USS. വിജയി പാർവ്വതി രതീഷ്

മാമ്പഴമധുരവുമായി പരിസ്ഥിതി ക്യാമ്പ്

Posted: 17 May 2019 07:54 AM PDT

മാമ്പഴമധുരവുമായി പരിസ്ഥിതി ക്യാമ്പ്

മാമ്പഴത്തിന്റെ മാധുര്യം ചെറു ചുണ്ടുകളിൽ ഉറ്റിച്ചു കൊണ്ട് പരിസ്ഥിതി ക്യാമ്പ് പ്രശസ്ത പരിസ്ഥിതി പ്രവർത്തകൻ ശ്രീ.ഭാസ്കരൻ വെളളൂർ ഉദ്ഘാടനം ചെയ്തു.
മാമ്പഴമധുരം പരിപാടിയിൽ 20 ഓളം നാടൻ മാമ്പഴ ഇനങ്ങൾ കുട്ടികളും അധ്യാപകരും ചേർന്ന് പ്രദർശിപ്പിച്ചു.കടുമാങ്ങ ,മൂവാണ്ടൻ മാങ്ങാ ,പുളിയൻ കണ്ണി മാങ്ങ, പഞ്ചസാര മാങ്ങ ,ഗോമാങ്ങ ,കപ്പ മാങ്ങ ,കിളി ചുണ്ടൻ മാങ്ങ ,കുറ്റ്യാട്ടൂർ മാങ്ങ, കുഞ്ഞിമംഗലം മാങ്ങ തുടങ്ങിയവ പ്രദർശിപ്പിച്ചു.
മാവിന്റെ പ്രാധാന്യത്തെ കുറിച്ചും അവ സംരക്ഷിക്കേണ്ടതിനെ കുറിച്ചും അദ്ദേഹം ക്ലാസ്സ് എടുത്തു.
വിദ്യാലയം ഏറ്റെടുക്കേണ്ട പരിസ്ഥിതി പ്രവർത്തനങ്ങളെ കുറിച്ച് ചർച്ച ചെയ്തു.പി ടി എ പ്രസിഡന്റ് പി.വി ശശിധരൻ ,എസ്എംസി ചെയർമാൻ സി.മധു ,മുൻ അധ്യാപിക പി.സരോജിനി ,എം ശശിലേഖ ,വി കെ ഭാസ്കരൻ ,എ വി നിർമ്മല ,പി വിജയകൃഷ്ണൻ എന്നിവർ സംസാരിച്ചു.പ്രധാനാധ്യാപകൻ കെ ജയചന്ദ്രൻ അധ്യക്ഷത വഹിച്ചു.

എസ്.എസ്.എൽ.സി.വിജയത്തിളക്കം

Posted: 17 May 2019 07:43 AM PDT

കാലിച്ചാനടുക്കത്തിന്റെ ചരിത്രരചനയ്ക്കായി ചരിത്ര സെമിനാർ

Posted: 17 May 2019 07:36 AM PDT

ചരിത്രമെഴുതാൻ കാലിച്ചാനടുക്കം...
ചരിത്രത്തിന്റെ ഏടുകളിൽ ഏറെയൊന്നും പരാമർശിക്കപ്പെടാത്ത ഒരു പ്രദേശമാണ് കാലിച്ചാനടുക്കം. ഒരു കാലത്ത് കാലികൾ ധാരാളമുണ്ടായിരുന്ന കാഞ്ഞിരമരങ്ങൾ തിങ്ങിനിറഞ്ഞ ഒരു പ്രദേശമായിരുന്നത്രെ ഇത്. ശാസ്താ ആരാധനക്ക് പേരുകേട്ട ശാസ്താംപാറയിൽ 50 വർഷങ്ങൾക്ക് മുമ്പ് കാടുണ്ടായിരുന്നതും ചരിത്രം.
മഹാ ശിലായുഗ സംസ്കാരത്തിന്റെ അവശിഷ്ടങ്ങൾ പ്രദേശത്തു നിന്നും കണ്ടെടുത്തിട്ടുണ്ട്. ജീവിത രീതി, ആചാരാനുഷ്ഠാനങ്ങൾ ,തുടങ്ങിയവയിൽ വൈവിധ്യമാർന്ന ചരിത്രം നമ്മുടെ പ്രദേശത്തുണ്ട്.
കാലിച്ചാനടുക്കം പ്രദേശത്ത് ആദ്യമായി ആനയെ കൊണ്ടുവന്നതും ബസ്സ് വന്നതും വളരെ രസകരമായി നെഹ്റു കോളേജ് റിട്ടയേർഡ് പ്രൊഫസർ സി.ബാലൻ വിശദീകരിച്ചു. പ്രാദേശിക സ്ഥലനാമങളെ കുറിച്ച് ഹരിപ്പാട് ഹയർ സെക്കന്ററി സ്കൂളിലെ ചരിത്ര അധ്യാപകനായ ജയചന്ദ്രൻ എം പറഞ്ഞു.
എങ്ങിനെ പ്രാദേശിക ചരിത്രം തയ്യാറാക്കാം എന്നതിനെ കുറിച്ച് സംസ്ഥാന അധ്യാപക അവാർഡ് ജേതാവും ശ്രീപുരം ഹയർ സെക്കന്ററി സ്കൂളിലെ അധ്യാപകനുമായ മനോജ് കുമാർ കണിച്ചുകുളങ്ങര ക്ലാസ്സ് എടുത്തു.
ഈ ഒരു വർഷക്കാലത്ത് ചരിത്ര രചനയും ഡോക്യുമെന്ററിയും പൂർത്തിയാക്കാൻ തീരുമാനിച്ചു.
ചടങ്ങിൽ പ്രധാനാധ്യാപകൻ കെ.ജയചന്ദ്രൻ സ്വാഗതം പറഞ്ഞു. പി ടി എ പ്രസിഡന്റ് പി.വി.ശശിധരൻ അധ്യക്ഷത വഹിച്ചു. കോടോംബേളൂർ ഗ്രാമ പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മറ്റി ചെയർമാൻ കെ.ഭൂപേഷ് പരിപാടി ഉദ്ഘാടനം ചെയ്തു. എസ്എംസി ചെയർമാൻ സി.മധു, വി.കെ.ഭാസ്കരൻ ,സിജിമോൾ, രാഹുൽ അടുക്കം എന്നിവർ സംസാരിച്ചു.സ്കൂൾ സാമൂഹ്യ ശാസ്ത്ര ക്ലബ്ബ് ,ലിറ്റിൽ കൈറ്റ്സ്. ,ഹെറിറ്റേജ് ക്ലബ്ബ് എന്നിവരുടെ നേതൃത്വത്തിലാണ് പരിപാടി നടത്തിയത്

LS Sവിജയികൾ

Posted: 17 May 2019 07:27 AM PDT

USS. വിജയി പാർവ്വതി രതീഷ്

Posted: 17 May 2019 07:25 AM PDT

G.H.S.S. ADOOR

എസ്.എസ്.എല്‍.സി.പരീക്ഷയില്‍ അഡൂര്‍ സ്കൂളിന് ചരിത്രവിജയം15 കുട്ടികള്‍ക്ക് മുഴുവന്‍ വിഷയങ്ങളിലും എ പ്ലസ്

Posted: 12 May 2019 12:02 AM PDT

കക്കാട്ട്

എസ് എസ് എല്‍ സി -തുടര്‍ച്ചായായി പതിനാറാം വര്‍ഷവും നൂറ് ശതമാനം

Posted: 07 May 2019 02:13 AM PDT

എസ് എസ് എൽ സി പരീക്ഷയിൽ തുടർച്ചയായി പതിനാറാം വർഷവും നൂറ് മേനി വിജയം നേടി കക്കാട്ട് സ്കൂൾ മികവറിയിച്ചു. 2004 മുതൽ തുടർച്ചയായി നൂറ് ശതമാനം വിജയം നേടി കക്കാട്ട് സ്കൂൾ മറ്റ് സർക്കാർ വിദ്യാലയങ്ങൾക്ക് മാതൃകയായി. അധ്യാപകരുടെയും രക്ഷിതാക്കളുടെയും കുട്ടികളുടെയും കൂട്ടായ പരിശ്രമത്തിന്റെ ഫലമായാണ് തുടർച്ചയായി ഈ നേട്ടം കൈവരിക്കാൻ സാധിച്ചത്. സ്കൂളിൽ നടത്തുന്ന അധിക സമയ പരിശീലനത്തിന് പുറമെ പി ടി എ യുടെ സഹകരണത്തോടെ സമീപത്തുള്ള വായനശാലകളും ക്ലബ്ബുകളും സാംസ്കാരിക നിലയങ്ങളും കേന്ദ്രീകരിച്ച് നടക്കുന്ന രാത്രികാല വായനാകേന്ദ്രങ്ങളും ഈ മഹത്തായ വിജയത്തിൽ വലിയൊരു പങ്ക് വഹിക്കുന്നു. ഈപ്രാവശ്യം 144 കുട്ടികൾ പരീക്ഷ എഴുതിയതിൽ 15 പേർക്ക് മുഴുവൻ വിഷയത്തിലും 14 പേർക്ക് ഒൻപത് വിഷത്തിലും എ പ്ലസ്സ് നേടാൻ സാധിച്ചു.

MSCHS Nirchal: MAHAJANA

ನಮ್ಮ ಶಾಲೆಯ 8 ಮಂದಿಗೆ ಎಲ್ಲ ವಿಷಯಗಳಲ್ಲಿ ಎ+

Posted: 06 May 2019 02:57 AM PDT

2018-19ನೇ ಸಾಲಿನ ಎಸ್ ಎಸ್ ಎಲ್ ಸಿ ಪರೀಕ್ಷೆಯ ಫಲಿತಾಂಶ ಪ್ರಕಟವಾಗಿದ್ದು ನಮ್ಮ ಶಾಲೆಯ 8 ಮಂದಿ ವಿದ್ಯಾರ್ಥಿಗಳು ಎಲ್ಲ ವಿಷಯಗಳಲ್ಲಿ ಎ+ ಗ್ರೇಡ್ ಪಡೆದಿದ್ದಾರೆ. ಈ ಶಾಲೆಯ ಅಭಿರಾಮ.ಪಿ, ಅಪರ್ಣ.ಎಸ್, ಆಶಾ.ಕೆ, ಕೃಪೇಶ್.ಎ, ಪ್ರಶಾಂತ್.ವಿ, ಶಮಾ.ಎ, ಶರಣ್ಯ ಪಿ.ಜೆ, ವರಲಕ್ಷ್ಮಿ.ಎನ್ ಈ ಸಾಧನೆಯನ್ನು ಪ್ರದರ್ಶಿಸಿದ್ದಾರೆ. ಪ್ರಸ್ತುತ ಶಾಲೆಯಲ್ಲಿ 180 ಮಂದಿ ಪರೀಕ್ಷೆ ಬರೆದಿದ್ದು 172 ಮಂದಿ ಮುಂದಿನ ಹಂತಕ್ಕೆ ತೇರ್ಗಡೆ ಹೊಂದಿ ಶಾಲೆಗೆ 96% ಫಲಿತಾಂಶವನ್ನು ತಂದಿದ್ದಾರೆ. ಶುಭಾಶಯಗಳು...

VACATION TRAINING 2018-19

TRAINING CENTER & BATCHES

കക്കാട്ട്

കേരള ടീമിനെ ആര്യശ്രീ നയിക്കും

Posted: 20 Apr 2019 12:02 AM PDT

മഹാരാഷ്ട്രയിലെ കേല്‍ഹാപൂരില്‍ വച്ച് നടക്കുന്ന ദേശീയ ജുനിയര്‍‌ ഫുട്ബോള്‍ ചാമ്പ്യന്‍ഷിപ്പിനുള്ള കേരള വനിതാ ടീമിനെ കക്കാട്ട് സ്കൂളിലെ എസ് ആര്യശ്രീ നയിക്കും. കക്കാട്ട് സ്കൂളിലെ തന്നെ ജിജിന വേണു, മാളവിക, ആരതി വി എന്നിവരും ടീമില്‍ ഇടം നേടി.

എല്‍ എസ് എസ് പരീക്ഷയിലും മികച്ച നേട്ടം

Posted: 20 Apr 2019 12:12 AM PDT

യു എസ് എസ് പരീക്ഷയ‌്ക്ക് പുറമെ എൽ എസ് എസ് പരീക്ഷയിലും കക്കാട്ട് സ്കൂളിന് മികച്ച നേട്ടം. പതിനേഴ് വിദ്യാർത്ഥികളാണ് ഇപ്രാവശ്യം എൽ എസ് എസിന് അർഹരായത്. പ്രവർത്തി ദിവസങ്ങളിൽ പ്രത്യേക സമയം കണ്ടെത്തിയും അവധി ദിനങ്ങളിലും കൃത്യമായ സമയം ക്രമം പാലിച്ച് കൊണ്ട് അധ്യാപകർ കുട്ടികൾക്ക് പരിശീലനം നല്കി. കുട്ടികളുടെയും അധ്യാപകരുടെയും രക്ഷിതാക്കലുടെയും കൂട്ടായ പ്രവർത്തനത്തിന്റെ ഫലമായാണ് എൽ എസ് എസ്, യു എസ് എസ് പരീക്ഷകളിൽ ഇക്കുറി തിളക്കമാർന്ന വിജയം നേടാൻ കക്കാട്ട് സ്കൂളിന് സാധിച്ചത്.

കക്കാട്ട്

യു എസ് എ‍സ് പരീക്ഷ -കക്കാട്ട് സ്കൂളിന് മികച്ച നേട്ടം

Posted: 12 Apr 2019 11:10 PM PDT

അന്താരാഷ്ട്ര നിലവാരത്തിലേക്ക് ഉയരുന്ന കക്കാട്ട് സ്കൂളിന്റെ പ്രവര്‍ത്തനങ്ങള്‍ക്ക് മാറ്റ് കൂട്ടികൊണ്ട് ഇക്കഴിഞ്ഞ യു എസ് എസ് പരീക്ഷയില്‍ 19 കുട്ടികള്‍ യോഗ്യത നേടി. പരീക്ഷ എഴുതുന്ന കുട്ടികള്‍ക്കായി സ്കൂളില്‍ പ്രത്യകം കോച്ചിങ്ങ് ക്ലാസ്സുുകള്‍ സംഘടിപ്പിച്ചിരുന്നു. യു എസ് എസ് നേടിയ വിദ്യാര്‍ത്ഥികളെയും അതിന് പിന്നില്‍ പ്രവര്‍ത്തിച്ച അധ്യാപകരെയും ഹെഡ്മിസ്ട്രസ്സും സ്റ്റാഫും അഭിനന്ദിച്ചു.