G.H.S.S. ADOOR |
- അഡൂര്‍ സ്‌കൂളില്‍ അഞ്ചാം ക്ലാസിലെ കുട്ടികള്‍ക്കിനി കോഴി വളര്‍ത്താം
- ലഹരിക്കെതിരെ ഐക്യദാര്‍ഢ്യം പ്രഖ്യാപിച്ച് കുട്ടികളും അധ്യാപകരും
| Posted: 28 Jun 2015 04:30 AM PDT
| ||
| അഡൂര്‍ സ്‌കൂളില്‍ അഞ്ചാം ക്ലാസിലെ കുട്ടികള്‍ക്കിനി കോഴി വളര്‍ത്താം Posted: 28 Jun 2015 03:53 AM PDT
അഡൂര്‍ ഗവ.ഹയര്‍ സെക്കന്ററി സ്‌കൂളില്‍ അഞ്ചാം ക്ലാസില്‍ പഠിക്കുന്ന അമ്പത് കുട്ടികള്‍ക്ക് അഞ്ച് വീതം കോഴിക്കുഞ്ഞുങ്ങളെ നല്‍കി. കൂടെ കോഴിത്തീറ്റയും രോഗങ്ങളെ പ്രതിരോധിക്കാന്‍ മരുന്നും. ഗ്രാമീണ കോഴി വളര്‍ത്തല്‍ പദ്ധതിയുടെ ഭാഗമായി മൃഗസംരക്ഷണ വകുപ്പാണ് കോഴിക്കുഞ്ഞുങ്ങളെ നല്‍കിയത്. കാറഡുക്ക ബ്ലോക്ക് പഞ്ചായത്ത് സ്ഥിരം സമിതി അധ്യക്ഷനും സ്‌കൂള്‍ പിടിഎ പ്രസിഡന്റുമായ സി.കെ.കുമാരന്‍ ഉദ്ഘാടനം നിര്‍വഹിച്ചു. കോഴികളില്‍ നിന്നും ലഭിക്കുന്ന മുട്ട സ്‌കൂള്‍ ഉച്ചഭക്ഷണ പരിപാടിക്കായി വില്‍പന നടത്താന്‍ സാധിക്കണമെന്ന് അദ്ദേഹം കുട്ടികളോട് പറഞ്ഞു. കുട്ടികളുടെ രക്ഷിതാക്കളും പരിപാടിയില്‍ സംബന്ധിച്ചു. അഡൂര്‍ ഗവ. മൃഗാശുപത്രിയിലെ മെഡിക്കല്‍ ഓഫീസര്‍ ഡോ.രാഹുല്‍ പദ്ധതി വിശദീകരിച്ചു. ഹെഡ്‌മാസ്‌റ്റര്‍ ബി. ബാലകൃഷ്‌ണ ഷെട്ടിഗാര്‍ അധ്യക്ഷത വഹിച്ചു. സീനിയര്‍ അസിസ്‌റ്റന്റ് എന്‍. പ്രസന്നകുമാരി സ്വാഗതവും സ്‌റ്റാഫ് കൗണ്‍സില്‍ സെക്രട്ടറി എ.എം. അബ്‌ദുല്‍ സലാം നന്ദിയും പറഞ്ഞു. | ||
| ലഹരിക്കെതിരെ ഐക്യദാര്‍ഢ്യം പ്രഖ്യാപിച്ച് കുട്ടികളും അധ്യാപകരും Posted: 28 Jun 2015 03:08 AM PDT
അഡൂര്‍ : ലോക ലഹരിവിരുദ്ധ ദിനാചരണത്തിന്റെ ഭാഗമായി അഡൂര്‍ ഗവ.ഹയര്‍ സെക്കന്ററി സ്‌കൂളില്‍ വിവിധ പരിപാടികള്‍ സംഘടിപ്പിച്ചു. രാവിലെ നടന്ന പ്രത്യേക സ്‌കൂള്‍ അസംബ്ലിയില്‍ അഡൂര്‍ പ്രാഥമികാരോഗ്യ കേന്ദ്രത്തിലെ മെഡിക്കല്‍ ഓഫീസര്‍ ഡോ. വിവേക് ലഹരിവസ്‌തുക്കള്‍ സമൂഹത്തിലുണ്ടാക്കുന്ന വിപത്തുകളെക്കുറിച്ച് ബോധവല്‍ക്കരണം നടത്തി. ലഹരിവസ്‌തുക്കള്‍ക്കെതിരെ കുട്ടികള്‍ പ്രതിജ്ഞയെടുത്തു. സ്‌റ്റുഡന്റ് പൊലീസ് കേഡറ്റുകളുടെയും സോഷ്യല്‍ സയന്‍സ് ക്ലബിന്റെയും സംയുക്താഭിമുഖ്യത്തില്‍ ലഹരിവിരുദ്ധ ദിനാചരണത്തിന് ഐക്യദാര്‍ഢ്യം പ്രഖ്യാപിച്ചുകൊണ്ട് ഭീമന്‍ കാന്‍വാസില്‍ കുട്ടികളും അധ്യാപകരും ഒപ്പു രേഖപ്പെടുത്തി. ഹെഡ്‌മാസ്‌റ്റര്‍ ബി. ബാലകൃഷ്‌ണ ഷെട്ടിഗാര്‍ ഉദ്ഘാടനം ചെയ്‌തു. സീനിയര്‍ അസിസ്‌റ്റന്റ് എന്‍. പ്രസന്നകുമാരി, എസ്.പി.സി.എ.സി.പി.ഒ. പി.ശാരദ, അധ്യാപകരായ എച്ച്. പദ്‌മ, എന്‍. ഹാജിറ, സുജീഷ് കുമാര്‍ എന്നിവര്‍ നേതൃത്വം നല്‍കി. വിവിധസ്ഥലങ്ങളില്‍ ലഹരിവിരുദ്ധ പോസ്‌റ്റര്‍ പതിപ്പിച്ചു. |
| You are subscribed to email updates from G.H.S.S. ADOOR To stop receiving these emails, you may unsubscribe now. | Email delivery powered by Google |
| Google Inc., 1600 Amphitheatre Parkway, Mountain View, CA 94043, United States | |
No comments:
Post a Comment